
Ermənistanın müdafiə naziri ilə NATO-nun keçmiş baş katibi görüşüb
Ermənistanın müdafiə naziri Suren Papikyan bazar ertəsi günü “Rasmussen Global” beynəlxalq siyasi məsləhət təşkilatının qurucu sədri, NATO-nun keçmiş baş katibi Anders Foq Rasmusseni və “Rasmussen Global” təşkilatının nümayəndələrini qəbul edib.
Busaat.az xəbər verir ki, Papikyan “Facebook”da yazıb.
Məlumata görə, Ermənistanın müdafiə naziri NATO-nun keçmiş baş katibinə son regional hadisələrlə bağlı məlumat verib.
“Qonağın xahişi ilə mən regionda baş verən son hadisələri və bunun nəticəsində yaranmış vəziyyəti təqdim etdim. Görüşdə regional təhlükəsizliklə bağlı bir sıra məsələlər müzakirə olunub”, – Ermənistanın müdafiə naziri əlavə edib.
Busaat.az























