Ermənistanın xarici işlər naziri Ararat Mirzoyan Azərbaycanla sabit sülh əldə etmək üçün lazımi şərtləri açıqlayıb.
Busaat.az xəbər verir ki, o, bu barədə macar həmkarı Peter Siyarto görüşü zamanı bildirib.
“Ermənistan və Azərbaycan arasında sabit sülh, iki ölkənin ərazi bütövlüyü və sərhədlərinin birmənalı şəkildə qarşılıqlı tanınması şərti ilə əldə edilə bilər”, – Mirzoyan deyib.
Onun sözlərinə görə, təsadüfi deyil ki, məhz bu məqamlar Qranadada qəbul edilmiş bəyanatda öz yerini tapıb.
Mirzoyan bildirib ki, etimadın yaradılması üçün Qarabağ sakinlərinin hüquqlarına riayət edilməsi vacibdir.
Qeyd edək ki, bundan əvvəl Ermənistan xarici işlər nazirinin müavini Vahan Kostanyan Ermənistanın Azərbaycandan sülh müqaviləsi ilə bağlı növbəti təkliflər paketi aldığını bildirib.
Natiq Kərimli,
Busaat.az
