Ermənistanla Türkiyə hava yük daşımalarına başlaya bilər - Ruben Rubinyan

Ermənistan və Türkiyənin tezliklə birbaşa hava yük daşımalarına başlayacağı ehtimalı yüksəkdir.

Busaat.az xəbər verir ki, bu barədə məlumatı Ermənistan Milli Məclisinin vitse-spikeri Ruben Rubinyan yayıb.

“Bu yaxınlarda Noyabr ayının əvvəlində keçirilən texniki iclasda bu tənzimləmənin icrası müzakirə edildi. Bəli, bu istiqamətdə işlərin tezliklə həyata keçiriləcəyi ehtimalı var. Ehtimal çox yüksəkdir, tezliklə reallaşacaq” – deyə, Rubinyan deyib.

Məlumatda birbaşa yük daşımalarına qoyulan qadağanın qaldırılması ilə bağlı iki ölkə arasında imzalanan siyasi sazişlər xatırladılıb, eləcə də sərhəd nəzarət məntəqəsinin qismən açılması məsələlərinə toxunulub.

“İyul ayında müzakirə edilən ikinci tənzimləməmizin əsas motivi o idi ki, üçüncü ölkələrin vətəndaşlarına quru sərhəddini yenidən açaq. Bununla əlaqədar nə etmək lazımdır. Bunun üçün qısa müddətdə Marqarra körpüsünün vəziyyətinin yoxlanılması lazımdır” – deyə, Rubinyan əlavə edib.

Busaat.az