Əsəd Ərdoğanla görüş şərtini açıqlayıb

image-esad-erdoganbackend

Suriya prezidenti Bəşər Əsəd Türkiye lideri Rəcəb Tayyib Ərdoğanla görüş şərtini açıqlayıb.

Busaat.az xəbər verir ki, Suriya prezidenti Bəşər Əsəd Türkiyə qoşunlarını Suriyanın şimalından çıxaracağı təqdirdə prezident Rəcəb Tayyib Ərdoğanla görüşəcəyini bildirib.

Bəşər Əsəd RİA-Novosti-yə bildirib: “İstənilən danışıqlar Türkiyənin Suriya ərazisindən tamamilə və heç bir qeyri-müəyyənlik olmadan çəkilməyə hazır olduğu nöqtəyə çatmağımızla bağlıdır”.

Əsədin şərhləri 2011-ci il Suriya vətəndaş müharibəsindən sonra Ərdoğan və Əsəd arasında əlaqələri düzəltməyə çalışan Rusiya prezidenti Vladimir Putinlə görüşdən bir gün sonraya təsadüf edir.

Türkiyənin Dəməşq administrasiyasına qarşı çıxan müxalif qruplara verdiyi dəstəyə toxunan Əsəd iddia edib ki, Ankara “terrora hər cür dəstəyi dayandırmalıdır”: “Mənim Ərdoğanla görüşüm ancaq bu şəkildə baş tuta bilər”.

Əsəd bəyanatına bu sözləri də əlavə edib:

“Suriyada müharibənin bitməsinə səbəb olmayacaqsa, hər hansı görüşün nə mənası var və niyə keçirilməlidir?”.

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90