Əsəd rejimi Hələbdə PKK/YPG-nin məskunlaşdığı məhəllələrə yanacağı kəsdi

Bəşər Əsəd rejimi Suriyanın şimalında, Hələb şəhər mərkəzində terror təşkilatı PKK/YPG-nin işğal etdiyi Şeyx Maksut və Eşrefiyye rayonlarına yanacaq axını dayandırıb.

Busaat.az xəbər verir ki, Əsəd rejimi Hələbdə PKK/YPG terrorçularının məskunlaşdığı Şeyx Maksut və Eşrefiyye rayonlarında təşkilatın sözdə yerli şurasını dəyişdirmək istəyib.

Mənbələr terror təşkilatının bu tələbə qarşı çıxdığını və rejim qüvvələrinin noyabrın 26-dan etibarən Şeyx Maksut və Eşrefiyyeyə yanacaq axınına qadağa qoyduğunu qeyd edib.

Yanacaq böhranı səbəbindən bu məhəllələri elektrik enerjisi ilə təmin edən generatorların əksəriyyəti sıradan çıxıb.

Əsəd rejimi qüvvələri aprelin 7-də Şeyx Maksut və Eşrefiyye məhəllələrinibombalayıb. Buna cavab olaraq PKK/YPG terrorçuları aprelin 9-da Haseke əyaləti və Qamışlı rayonunda Əsəd rejimi qüvvələrini blokadaya alıb.

Təxminən 10 gündür davam edən blokadada rejim yanacaq, un, ərzaq və dərman kimi materialların məhəllələrə daxil olmasına mane olub.
Qeyd edək ki, Əsəd rejimi 2012-ci ildə xalq hərəkatları və silahlı müqavimətin artmasından sonra ölkənin şimalındakı bəzi əraziləri PKK/YPG-yə qarşı silahlı hərəkətə keçməmək şərti ilə tərk edib. Bundan sonra PKK/YPG Hələbin şəhər mərkəzində yuxarıda adı çəkilən məhəllələrdə məskunlaşmağa başlayıb.

Rejim PKK/YPG-nin Hələbin mərkəzində mövcud olmasına göz yumub. Təşkilat da öz növbəsində Haseke vilayətinin bəzi nöqtələrində rejimin mövcudluğuna icazə verib.

Ölkənin şimal-şərqində yerləşən Hasekedə tərəflərarasında ara-sıra dominantlıq uğrunda qısamüddətli münaqişələr yaşanır.

Busaat.az