ABŞ Əsəd rejimini zəlzələdən zərər çəkmiş suriyalılara beynəlxalq yardım çatdırmaq üçün sərhəd keçidlərini açmağa çağırıb.
Busaat.az xəbər verir ki, bu barədə ABŞ dövlət katibi Antoni Blinken bildirib.
Blinken baş verən zəlzələlərin Türkiyə və Suriyada milyonlarla insana təsir etdiyini ifadə edərək, Co Baydenin göstərişi ilə federal qurumların yardım fəaliyyətlərini səfərbər etdiyini vurğulayıb.
Blinken bazar ertəsindən bəri yüzlərlə ABŞ personalının zəlzələ bölgəsinə getdiyini və 85 milyon dollarlıq humanitar yardım etdiklərini bildirib.
Blinken Əsəd rejimindən zəlzələdən zərər çəkmiş bütün bölgələrə yardım paylanmasına icazə verməyə və humanitar yardımların istisnasız olaraq ehtiyacı olan bütün suriyalılara çatdırılmasına icazə verməyə çağırıb.
O, bundan sonra da ABŞ-ın Türkiyə və Suriya xalqına dəstəyini davam etdirəcəyini açıqlayıb.
Busaat.az
