Rusiya İstintaq Komitəsi rusiyalı hərbi əsirlərin ukraynalı əsgərlər tərəfindən kütləvi şəkildə edam edilməsi ilə bağlı cinayət işi açıb.
Busaat.az xəbər verir ki, bu barədə BMT Baş katibinin sözçünün müavini Fərhan Haq mətbuat konfransında bildirib.
“Ukrayna hərbçiləri tərəfindən silahsız rus hərbçilərinin atəşə tutulması hərtərəfli araşdırılmalıdır. Bu, baxılmalı, hərtərəfli araşdırılmalı olan bir iddiadır. Bu cür hadisələri kimin törətməsi önəmli deyil, BMT hər versiyada belə hallardan narahatdır” – deyə, diplomat söyləyib.
Qeyd edək ki, Noyabrın 18-də internetdə Ukrayna hərbçilərinin təslim olduqdan sonra yerdə uzanmış rus əsgərlərini güllələdiyini əks etdirən video yayılıb. Rusiya prezidenti yanında vətəndaş cəmiyyətinin inkişafı və insan haqları şurasının rəhbəri Valeri Fadeyevin sözlərinə görə, insident Luqanskın Makeyevka kəndində baş verib. O, bu hadisəni beynəlxalq araşdırma tələb edən nümayişkaranə və aşkar cinayət adlandırıb və bu cinayətin sübutlarını BMT-nin İnsan Hüquqları üzrə Ali Komissarlığının İdarəsinə, ATƏT-ə, Avropa Şurasına, Amnesty İnternational-a və digər beynəlxalq təşkilatlara göstərəcəyini vəd edib.
Artıq Rusiya İstintaq Komitəsi rusiyalı hərbi əsirlərin ukraynalı əsgərlər tərəfindən kütləvi şəkildə edam edilməsi ilə bağlı cinayət işi açıb.
Busaat.az
