“Hicab qaydalarına əməl etmədiyi üçün saxlanıldıqdan sonra gənc qadının ölümü ilə bağlı etirazları yatırmaq üçün ölüm hökmündən istifadə edilməsin”.
Busaat.az xəbər verir ki, BMT-nin 16 insan haqları ekspertinin verdiyi bəyanatda 8 nəfərin Oktyabrın 29-da edam cəzasına məhkum oluna bilmələri ilə bağlı ittiham irəli sürüldüyü bildirilib.
Bəyanatda İran hakimiyyətinə edam cəzasından etirazları yatırmaq üçün bir vasitə kimi istifadə etmələri barədə xəbərdarlıq edilib və saxlanılan etirazçıların azad edilməsi çağırışı təkrarlanıb.
“Etirazların davamlı şəkildə basdırılması ilə qısa zamanda ölümlə nəticələnə biləcək ittihamnamələr hazırlana və ölüm hökmü çıxarıla bilər. Etirazlarda ön cəbhədə olan qadın və qızlara, xüsusilə insan haqlarına qarşı sistematik olaraq ayrı-seçkilik edən qanunlara, siyasətlərə və tətbiqlərə son qoyulmasını tələb etdikləri üçün saxlanılan və ya həbs cəzasına məhkum edilmiş insanların hədəfə alınacağından qorxuruq. 16 Sentyabrdan bəri qadın və gənclərin də olduğu minlərlə etirazçı həbs edilib. Onlardan 14-ü buraxılıb, bəziləri isə hələ də nəzarətdədir. Etirazçılara qarşı repressiyalar davam edir. Aksiyalar zamanı 24 qadın, 41 uşaq olmaqla azı 304 nəfər həyatını itirib” –deyə, bəyanatda bildirilib.
Busaat.az
