“Evlərinə gedib vətəndaşlarımızı təhdid edirlər” – Çavuşoğlu
Türkiyənin xarici işlər naziri Mövlud Çavuşoğlu prezident seçkilərinin ikinci tura qalması fonunda bəzi siyasi partiya mənsublarının vətəndaşları təhdid etdiyini bildirib.
Busaat.az Türkiyə mediasına istinadən xəbər verir ki, Antalyadan deputat seçilən Çavuşoğlu şəhərdə çıxış edib.
O, alanyalıların üzərində ciddi təzyiq olduğunu bildirib:
“Bİr tərəfdən evə gedərək: “Verəcəksiniz, verməyəcəksiniz? Verməyəcəksinizsə, elə olar, belə olar…” – deyirlər. Vətəndaşlarımızı təhdid edirlər. Bu, cinayətdir. Vətəndaşlarımız yalnız deyillər. Hər kəs hər kəsdən səs istəyə bilər, ancaq kimsə millətimizi təhdid etməsin”, – deyə nazir bildirib.
