Faysal Mekdad: "Türkiyə münasibətlərin normallaşması üçün Suriyadan qoşunlarını çıxarmalıdır"

Türkiyə qüvvələrinin Suriyadan çıxarılması iki ölkə arasında münasibətlərin normallaşması üçün əvəzsiz ilkin şərtdir.

Busaat.az xəbər verir ki, bu barədə Suriyanın xarici işlər naziri Faysal Mekdad bildirib.

“Türkiyənin Suriyanın şimalındakı işğalı sona çatacaq. Türkiyə bilir ki, öz qüvvələrinin Suriya ərazisindən çıxarılması ölkələrimiz arasında münasibətlərin əvvəlki səviyyəyə qayıtmasının yeganə yoludur”, – deyə nazir söyləyib.

Türkiyə 2017-ci ildən bəri Suriyanın şimalında üç hərbi əməliyyat keçirib: Fərat Qalxanı, Zeytun Budağı və Sülh bulağı. Bu əməliyyatlar Hələbin şimalında A’zaz ilə Cerabulus arasında bufer təhlükəsizlik zonasının yaradılması, Afrinin işğalı və Fəratın şərqindəki sərhəd bölgələrinin Türkiyənin nəzarətinə keçməsi ilə nəticələndi. Rəsmi Dəməşq türk qüvvələrinin mövcudluğunu qanunsuz işğal kimi qiymətləndirir.