Filippində hərbi təlim təyyarəsinin qəzaya uğraması nəticəsində 2 nəfər ölüb
Filippinin şimal-qərbində Bataan əyalətində düyü tarlasına düşən hərbi təlim təyyarəsində 2 nəfər həyatını itirib.
Busaat.az xəbər verir ki, bu barədə Filippinin Mülki Aviasiya İdarəsi açıqlama yayıb.
Hərbi Hava Qüvvələrinin sözçüsü polkovnik Mariya Konsuelo Kastillonun sözlərinə görə, hərbi təyyarə paytaxt Manilanın cənubunda təlim uçuşu həyata keçirən zaman qəzaya uğrayıb.
Polis müfəttişi Edqardo Delos Santos mediaya bildirib ki, təyyarə düyü tarlasına çırpılmadan əvvəl idarəetmədən çıxıb və sürətlə aşağı düşüb.
Qəzada həyatını itirən iki nəfərin cəsədi dağıntılar altından çıxarılıb.
Busaat.az
