Azərbaycan və Ermənistan liderləri bu həftəsonu Brüsseldə sülh danışıqlarını bərpa edəcəklər.
Busaat.az xəbər verir ki, bu barədə “Financial Times” rəsmilərə istinadən yazır.
Məlumatda qeyd olunur ki, Avropa Şurasının prezidenti Çarlz Mişel mayın 14-də Azərbaycan prezidenti İlham Əliyevlə Ermənistanın baş naziri Nikol Paşinyan arasında görüş keçirəcək.
“Bu, fevral ayında Münxendəki danışıqlardan sonra iki liderin şəxsən ilk görüşü olacaq və iki ölkənin xarici işlər nazirlərinin keçən həftə Vaşinqtonda geniş müzakirələr aparmasından sonra baş verəcək. ABŞ-nin dövlət katibi Antoni Blinken bu danışıqların “davamlı sülh sazişi üzərində nəzərəçarpacaq irəliləyiş əldə etdiyini” və “razılaşmanın göz qabağında və əlçatan olduğuna” inandığını söyləyib”, – “Financial Times” əlavə edib.
Busaat.az
