“Financial Times” Zelenskini ilin adamı seçdi

image-zelenskibackend

Ukrayna prezidenti Volodimir Zelenski “İlin adamı” seçilib.

Busaat.az xəbər verir ki, bu barədə Böyük Britaniyanın nüfuzlu “Financial Times” qəzeti məlumat yayıb.

“Zelenski həm də Rusiyanın təcavüzünə qarşı mübarizədə Ukrayna xalqının cəsarətini və möhkəmliyini təcəssüm etdirməyə gəlib. Məhz bu səbəblərə görə Financial Times Zelenskini ilin adamı seçib” – deyə, məlumatda bildirilib.

Qəzet qeyd edir ki, Ukrayna fevraldan davam edən Rusiyanın genişmiqyaslı işğalına tab gətirməklə bütün dünyanı heyrətləndirib və sonra ələ keçirilən ərazilərin əksəriyyətini işğaldan azad edib.

Britaniya qəzeti Ukrayna diplomatiyasının effektivliyinə və Zelenskinin bu istiqamətdəki işinə diqqət çəkib. Qeyd olunur ki, Kiyev Qərb dövlətlərini Ukraynaya dəstək, xüsusən də maliyyə və silah təchizatı baxımından eyni koalisiyada birləşdirməyə nail olub.

Rusiyanın Ukraynaya hücumundan əvvəl və sonra amerikalı tərəfdaşları Zelenskini Ukraynadan təxliyyə etməyi təklif ediblər, lakin o, bundan imtina edib. Bununla bərabər, nəşr Ukrayna Prezidentinin təkcə Ukrayna vətəndaşlarını deyil, həm də Qərb müttəfiqlərini ruhlandıran bir sıra digər hərəkətlərini sıralayıb.

Busaat.az 

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90