Finlandiyanın NATO-ya qoşulması Rusiya ilə münaqişəni gücləndirmək məqsədi daşıyır - Florian Filippot
Finlandiyanın NATO-ya daxil olması Rusiya ilə münaqişəni gərginləşdirməyə yönəlmiş təxribatdır.
Busaat.az xəbər verir ki, bu fikirləri TASS-a Fransanın Les Patriotes (Vətənpərvərlər) partiyasının lideri Florian Filippot bildirib.
Filippot Finlandiyanın Alyansa qoşulmasını şərh edərkən deyib: “Mən bunu Rusiya ilə münaqişi daha da alovlandırmaq məqsədi daşıyan təxribat kimi qiymətləndirirəm. Bu addımı yersiz və aqressiv hesab edirəm”.
O, davam edib: “NATO 1990-cı illərin əvvəllərində Soyuq Müharibə bitəndə yoxa çıxmalı olan ABŞ imperializminin qurumudur”.
Siyasətçi, həmçinin Fransanı da NATO-dan çıxmağa çağırıb.
Busaat.az
