Finlandiyanın xarici işlər naziri ölkəsinin NATO-ya daxil olması ilə bağlı sənədi imzalayıb

Finlandiyanın xarici işlər naziri Pekka Haavisto Finlandiyanın NATO-ya daxil olması ilə bağlı sənədi imzalayıb.

Busaat.az xəbər verir ki, sənəd ABŞ nümayəndələrinə verildikdən sonra,  respublika alyansın tamhüquqlu üzvü olacaq.

Nazir imzalanma mərasimini “tarixi an” adlandırıb. Onun sözlərinə görə, türkiyəli nümayəndələr eyni vaxtda Finlandiyanın alyansa üzvlüyünün ratifikasiyasına dair sənədləri ABŞ dövlət katibi Antoni Blinkenə təqdim ediblər.

Qeyd edək ki, Finlandiya 2022-ci ilin mayında İsveçlə birlikdə üzvlük ərizəsini təqdim edib, lakin İsveçin qəbulu hələ də Türkiyə tərəfindən əngəllənib.

Busaat.az