Floridada atışma: Uşaqlar yaralandı

Floridada atışma nəticəsində 4-ü uşaq olmaqla 9 nəfər yaralanıb.

Busaat.az xarici mediaya istinadən xəbər verir ki, hadisə ötən gün ABŞ-də Florida ştatının Hollivud bölgəsində baş verib.

Florida polisinin sözçüsü Deanna Bettineschi mediaya bildirib ki, yaralıların əksəriyyəti yerli uşaq xəstəxanasına aparılıb. Silahlı hücumda yaralananlardan 4-nün 1 ilə 17 yaş arasında olduğunu bildirən Bettineschi yaralılardan birinin əməliyyat olunduğunu açıqlayıb.

Bettineschi hücumun yerli vaxtla axşam saat 6 radələrində başladığını, ən azı bir silahdan istifadə edildiyini və bir nəfərin saxlanıldığını qeyd edib. Polis digər şübhəlilərin axtarışını davam etdirdiyindən insidentlə bağlı istintaq davam edir.

Yaralıların aparıldığı xəstəxananın sözçüsü Yanet Obarrio Sançes yaralıların hamısının vəziyyətinin stabil olduğunu bildirib.

Busaat.az