Fransa Enerji Xartiyası Müqaviləsindən çıxır
Fransa prezidenti Emmanuel Makron enerji sektoru və ticarətdə əməkdaşlıq üçün nəzərdə tutulmuş Enerji Xartiyası Sazişindən çıxmaq qərarına gəldiklərini açıqlayıb.
Busaat.az xəbər verir ki, bu barədə Avropa İttifaqı (Aİ) Liderləri Zirvə Toplantısından sonra mətbuata açıqlama verən Makron, qaz və elektrik qiymətlərinin aşağı salınması üçün sammitdə vurğuladıqları tədbirlərə toxunub və Avropa elektrik bazarında islahatlara dair qərarlarını yenilədiklərini bildirib.
“Fransa olaraq Enerji Xartiyası Sazişindən çıxmaq qərarına gəldik. Ölkəmizdə 2 min Ukrayna əsgəri təlim keçəcək. Ötən həftə Ukraynaya yeni hərbi texnika tədarük edəcəyimizi açıqlamışdıq. Aİ-nin enerji ehtiyaclarını tamamilə elektrik enerjisi ilə qarşılamaq istəyirik. Bizim strateji müstəqilliyə ehtiyacımız var” -deyə, Makron Sammitdə ifadə edib.
Qeyd edək ki, 17 dekabr 1994-cü ildə Lissabonda, Rusiya da daxil olmaqla 50-yə yaxın ölkə tərəfindən imzalanmış Enerji Xartiyası Müqaviləsi enerji sektorunda və ticarətdə transsərhəd əməkdaşlığın çərçivəsini müəyyən edir.
Busaat.az
