Zaman-zaman anti-Ankara açıqlamaları ilə gündəmdə olan Fransa prezidenti Emmanuel Makron yenidən bu səpkidə açıqlamalar verib.
Busaat.az xəbər verir ki, Fransa prezidenti Emmanuel Makron İordaniyada keçirilən “Bağdad Əməkdaşlıq və Tərəfdaşlıq Konfransı”ndan sonra çıxış edib.
Avropanın NATO daxilində daha qətiyyətli rol alması lazım olduğunu dilə gətirən Makron deyib: “Alyans ona bağlı olmalı olduğumuz bir şey deyil, seçməli və işləməli olduğumuz bir dəyərdir. Biz öz strateji muxtariyyətimizi yenidən düşünməliyik. Avropa texnologiya və müdafiə imkanları baxımından daha çox müstəqillik əldə etməlidir”.
“TÜRKLƏRİN MASADA OLMASINI İSTƏMİRƏM”
“Wall Street Journal”da dərc olunan xəbərdə Makronun Rusiya ilə Ukrayna arasında gərginliyin qaynaqlarından biri olduğu, Şərqi Avropa ölkələrinin liderlərinin Makronu günahlandırdığı qeyd edilib.
Makron Rusiya-Ukrayna müharibəsi zamanı və ondan əvvəl Rusiya prezidenti Vladimir Putinlə görüşür və hətta onu hədələyirdi.
“Mənə əxlaqı öyrədən bütün avropalılar və qərblilər danışıqlar masasına kimin oturmalı olduğunu deməlidirlər. Bundan sonra nə olacağını müzakirə etmək üçün çinlilərin və türklərin təkbaşına danışıqlar aparmasını istəmirəm” – deyə, Makron bildirib.
