Fransa və Almaniya ümumi qaz alışı mexanizmləri üzərində birgə işləyəcək – Makron

 Fransa və Almaniya ümumi qaz alqı mexanizmləri üzərində birgə işləmək barədə razılığa gəliblər.

Busaat.az xəbər verir ki, bu barədə  Fransa prezidenti Emanuel Makron məlumat verib.

Makron Almaniya kansleri Olaf Şolzla birgə mətbuat konfransında deyib: “Biz ümumi qaz alışı mexanizmləri üzərində birgə işləmək qərarına gəldik”.

 “Biz uzunmüddətli perspektiv üçün satınalma mexanizmləri yaratmaq və ümumi platformanın yaradılması üzərində işləmək istəyirik”, – deyə Makron bu sahədə təşəbbüslərin fevralda davam etdiriləcəyini bildirib.

Fransa lideri qeyd edib ki, Avropa İttifaqı ölkələri aylardır enerji sektorunda Ukrayna münaqişəsinin nəticələri ilə üzləşib, bu isə qazın qiymətinin artması ilə nəticələnib və enerji təchizatının etibarlılığına mənfi təsir edib. “Biz qaz alışını şaxələndirmək və enerji tərəfdaşlığımızı artırmaq üçün tədbirlər gördük”, – Makron əlavə edib.

Busaat.az