İllərdir Əfqanıstanda aclıq və səfalət davam edir.
Busaat.az BMT-nin saytına istinadən xəbər verir ki, Əfqanıstan əhalisinin üçdə birinin ərzağa çıxışı yoxdur.
Nəticədə ölkədə milyonlarla insan aclıqdan əziyyət çəkir. Hesabatda deyilir ki, qışın sərt keçdiyi dağ kəndlərində vəziyyət ümimiyyətlə dözülməzdir. Dağlıq ərazilərdə məskunlaşan yüz minlərlə insan bir tikə çörəyə möhtacdır. Qeyd edilir ki, 2023-cü ilin yanvar-noyabr aylarında BMT-nin Ümumdünya Ərzaq Proqramı (ÜƏP) Əfqanıstanda 18,4 milyon insana yardım edərək, 559 min tondan çox ərzaq paylayıb. BMT-nin məlumatına görə, son altı ay ərzində ÜƏP İslam İnkişaf Bankı tərəfindən idarə olunan Əfqanıstan Humanitar Etimad Fondunun 3,2 milyon dollarlıq qrantı sayəsində 230 minə yaxın əfqana yardım göstərə bilib.
Vəli Həsənov,
KONKRET.az
