Fransada binada yanğın: 3 ölü, 21 yaralı

Fransanın cənubundakı Alpes-Maritimes bölgəsində bir binada baş verən yanğında 3 nəfər ölüb, 21 nəfər yaralanıb.

Busaat.az xəbər verir ki, bu barədə Radio-France məlumat yayıb.

Bildirilib ki, səhər saatlarında Qrasda 5 mərtəbəli binada yanğın çıxıb.

Hadisə zamanı 3 nəfər həyatını itirib, 3-ü ağır olmaqla 21 nəfər yaralanıb.

Bölgəyə 50-yə yaxın xilasedici maşın gəlib. Yanğınsöndürənlər alova müdaxilə edərək nəzarətə alıblar.

Yanğının baş verdiyi bina və ətrafdakı tikililərdəki sakinlər ehtiyat tədbiri olaraq təxliyyə edilib.

Faktla bağlı araşdırmalara başlanılıb.