
Fransada böhran DƏRİNLƏŞİR: aprelin 6-da böyük tətil OLACAQ
Fransada pensiya islahatına qarşı etirazlar davam edir. Hökumət gərginliyi azaltmaq üçün tərəflərlə danışıqlar aparır.
Busaat.az xəbər verir ki, Həmkarlar ittifaqları aprelin 6-da keçiriləcək ümumi tətilə hazırlaşır.
Kütləvi etirazlar başlayandan sonra hökumət gərginliyi azaltmaq üçün kritik bir addım atıb.
Baş nazir Elisabeth Borne siyasi partiyaların və ətraf mühit təşkilatlarının nümayəndələri ilə görüşüb və həmkarlar ittifaqları ilə görüşmək üçün vaxt təyin edib.
Bundan başqa bir qrup solçu deputat prezident Makrona məktub yazaraq “qanun layihəsini geri götürməyə” çağırıb.
Qeyd edək ki, Həmkarlar ittifaqları nizamnamənin geri götürülməyəcəyi təqdirdə öz etirazlarını davam etdirəcəklərini bildiriblər.
Busaat.az























