Fransada çip fabrikinin rəhbərliyi Rusiyaya gizli texnologiya satdığı üçün həbs edilib

Fransanın  təhlükəsizlik qüvvələri “Ommic” şirkətinin fransız və çinli rəhbərlərini hərbi sənayedə istifadə olunan gizli texnologiyaların Çin və Rusiyaya ötürdüyünə görə saxlayıb.

Busaat.az xarici mətbuata istinadən xəbər verir ki, bu barədə “Le Parisien” qəzeti məlumat yayıb.

Məlumata görə, Çinli iş adamının nəzarətində olan “Ommic”in səhmlərinə də həbs qoyulub.

“Ommic” Avropanın bir neçə yarımkeçirici şirkətlərindən biridir.

Müstəntiqlərin hesablamalarına görə, Rusiya  11,8 milyon avro dəyərində ikili təyinatlı yarımkeçiricilər alıb. Mürəkkəb bir sxem onların Çin vasitəsilə çatdırılmasını planlaşdırırdı.

Bundan başqa, Litva, Hindistan və Türkiyə üzərindən də marşrutlar çəkilib.

Müstəntiqlərin fikrincə, çiplər və texnoloji məlumatlar Rusiyanın dövlət silah şirkətinə çatıb.

Busaat.az