Fransada ictimai nəqliyyatın işinə qoyulan məhdudiyyətlər aradan qaldırılır
Fransada kütləvi iğtişaşlar səbəbindən avtobus və tramvayların fəaliyyətinə qoyulan məhdudiyyətlər ləğv ediləcək.
Busaat.az xəbər verir ki, bu barədə nəqliyyatdan məsul nazir-nümayəndə Kleman Bon məlumat verib.
Bu gün axşam saatlarında Fransanın hər yerində avtobus və tramvayların normal fəaliyyəti bərpa olunacaq.
O bildirib ki, vəziyyətdən asılı olaraq əlavə məhdudiyyətlər yenidən tətbiq oluna bilər.
Fransada polis özbaşınalığına etiraz dalğası getdikcə sakitləşir. Həbs olunanların sayı, eləcə də qırğınların miqyası bir neçə gündür ki, azalır.
Qeyd edək ki, dünən Fransa prezidenti Emmanuel Makron kütləvi iğtişaşların pik həddinin keçdiyini açıqlayıb.
Busaat.az
