Fransada işçilər pensiya islahatlarına qarşı etiraz olaraq tətilə çıxıb

Fransada pensiya yaşının 62-dən 64-ə qaldırılmasından sonra bir çox işçi, o cümlədən dövlət qulluqçuları tətilə çıxıb.

Busaat.az xəbər verir ki, ölkə daxilində 250 nümayişin keçirilməsi gözlənilir.

Ölkənin ən böyük həmkarlar ittifaqı, o cümlədən Ümumi Həmkarlar İttifaqı (CGT) tətillər keçirir, bir çox sektorlar iqtisadiyyatı durğunluqla təhdid edir.

Qatar xidmətlərinin dayandırılması səbəbindən hökumət uzaqdan işləyə bilən insanları evdən işləməyə çağırıb.

Tətil səbəbindən Parisdəki Şarl de Qoll hava limanında uçuşların beşdə biri və Orli hava limanında uçuşların dörddə biri ləğv edilib.

Qeyd edək ki, Fransanın baş naziri Elisabeth Borne yanvarın 10-da prezident Emmanuel Makronun seçki vədləri arasında yer alan pensiya islahatının həyata keçiriləcəyini açıqlayıb.

Busaat.az