Fransada Makron da daxil olmaqla bütün məmurlara sosial media platformaları ilə bağlı QADAĞA

Fransada prezident Makron da daxil olmaqla dövlət qulluqçularına sosial media platformaları, filmlər, oyunlar və video saytlarını iş telefonlarına yükləmək qadağan edilib. 

Busaat.az xəbər verir ki, qadağaya səbəb kimi kibertəhlükəsizlik göstərilib.

ABŞ və Avropa ölkələri artıq kibercasusluq qorxusu ilə Çində yerləşən Tiktok video paylaşım platformasını qadağan edib.

Fransada isə məmurlara təkcə Tiktok deyil, bütün sosial media, film və video paylaşma saytları və oyun saytlarını iş telefonlarına yükləmək qadağan edilib.

Qadağa siyahısına “Netflix” kimi film saytları, “Instagram” kimi sosial media saytları və “Candy Crash” kimi oyun saytları da daxildir.

Qeyd edək ki, prezident Emanuel Makron qadağa çərçivəsində bu saytları iş telefonuna yükləyə bilməyəcək.

Busaat.az