Fransada İkinci Dünya Müharibəsinin bitməsindən sonra yeni doğulanların sayında ən aşağı artım qeydə alınıb.
Busaat.az xəbər verir ki, Fransa Milli Statistika və İqtisadi Araşdırmalar İnstitutunun (INSEE) 2022-ci il demoqrafik hesabatına görə, ötən il ölkədə cəmi 723 min körpə doğulub.
Ötən il doğulan körpələrin sayı əvvəlki ilə nisbətən 19 min nəfər azalıb. Eyni dövrdə ölənlərin sayı 2021-ci ilə nisbətən 5 min nəfər azalıb. Keçən il 667 min nəfər həyatını itirib.
2021-ci ildə yüzdə 1,84 olan doğum nisbəti keçən il 1,80 olub. Bu göstərici 1946-cı ildən bəri ən aşağı səviyyədir. Buna baxmayaraq, ölkə əhalisinin sayı 0,3 faiz artaraq 2023-cü il yanvarın 1-nə qədər 68 milyon nəfərə çatıb.
1945-ci ildə Fransada aparılan son siyahıyaalmada yeni doğulanların sayı 700 mindən aşağı qeydə alınıb.
Əhalinin artım tempinin azalmasında əksəriyyəti mühacir mənşəli olan 161 mindən çox insanın ölkə ərazisindən deportasiyası təsirli olub.
2022-ci ildə orta ömür uzunluğu 2021-ci ilə yaxın olub. Bu göstərici kişilər üçün 85,2 faiz, qadınlar üçün isə 79,3 faiz təşkil edib.
