Fransadan Türkiyəyə həmrəylik mesajı

Fransa prezidenti Emmanuel Makron Kahramanmaraşda baş verən zəlzələlərə görə Türkiyə ilə həmrəy olduqlarını söyləyib.

Busaat.az xəbər verir ki, bu barədə Makron AB liderlərinin Brüsseldə keçirilən fövqəladə sammitindən sonra açıqlamasında bildirib.

“Əsrin fəlakəti” olaraq xarakterizə edilən Kahramanmaraş zəlzələləri ilə bağlı Makron deyib: “Türkiyə və Suriyanın şimal-qərbində baş verən dəhşətli zəlzələ və onun qurbanlarına həmrəyliyimizi və dəstəyimizi ifadə etmək istərdim”.

Zəlzələ baş verən günü prezident Rəcəb Tayyib Ərdoğana zəng etdiyini və Fransa adından başsağlığı verdiyini bildirib.

Türkiyədəki xilasetmə işlərində Fransadan 140 nəfərlik heyyətin iştirak etdiyini qeyd edən Makron, ehtiyac və prioritetlərə uyğun olaraq yardımları artırmağa hazır olduqlarını xatırladıb.

Busaat.az