Fransanın əsas enerji təminatçısı olan EDF-dən verilən açıqlamada, 2022-ci ilin dekabrında edilən ölçmələrdə, Liondan 30 kilometr uzaqlıqda yerləşən Bugey Atom Elektrik Stansiyasında iki reaktorun tullantı sularında yüksək səviyyədə tritium sızması müşahidə edildiyi bildirilib.
Busaat.az xəbər verir ki, açıqlamada, ilk ölçmələrdə reaktorlardan birində yüksək nisbətdə radioaktiv sızma aşkar edildiyi, sonrakı ölçmələrdə yüksək olmasa da əhəmiyyətli radioaktiv tapıntıların aşkar edildiyi bildirilib.
Buna baxmayaraq, bu sızmanın nəticələrinin təhlükəli olmadığı bildirilib və radioaktiv sızmanın yeraltı sulara, o cümlədən içməli sulara qarışma ehtimalının olmadığı qeyd edilib.
Açıqlamada bildirilib ki, yanvarın 6-na olan məlumata görə, radioaktiv sızma səviyyəsi təhlükə həddindən aşağı düşüb.
EDF bu yaxınlarda texniki xidmətə etinasızlıq göstərdiyinə görə 3 000 avro cərimə olunub.
Qeyd edək ki, 2022-ci ilin avqustunda reaktorda yanğın baş verən bu ölkənin ən qədim atom elektrik stansiyasında indiyədək ümumilikdə 5 radioaktiv sızma aşkar edilib.
