Rusiyanın Federal Təhlükəsizlik Xidməti (FSB) Latın Amerikası ölkələrindən Avropa İttifaqına qaçaqmalçılıq yolu ilə gətirilən dəyəri 2,5 milyard rubldan (30,8 milyon dollar) çox olan 700 kq kokaini müsadirə edib.
Busaat.az xəbər verir ki, bu barədə FSB-dən TASS-a məlumat verilib.
“Federal Təhlükəsizlik Xidməti daha bir beynəlxalq cinayətkar qrupun Rusiya ərazisindən narkotiklərin tranziti və satışı üçün istifadə etmək cəhdinin qarşısını alıb”, – məlumatda deyilir.
“Çoxmərhələli narkotik qaçaqmalçılığı əməliyyatı keçirmək üçün Rusiyaya gələn üç xarici ölkə vətəndaşı, iki Kolumbiyalı və bir Aİ vətəndaşı müəyyən edilib”, – deyə bildirilib.
FSB-nin məlumatına görə, plan kokainin bir hissəsini Aİ ölkələrindən birinə göndərmək, qalan hissəsini isə Rusiyada satmaq olub.
Hazırda saxlanılan üç narkotik alverçisinə qarşı cinayət işi açılıb və onları 20 ilə qədər həbs cəzası gözləyir.
Busaat.az
