FTX kriptovalyuta birjasının təsisçisi və keçmiş baş icraçı direktoru (CEO) Sem Bankman-Fridin ABŞ-ın şikayətindən sonra Baham adalarında həbs edildiyi bildirilir.
Busaat.az xəbər verir ki, bu barədə məlumat Baham adalarının baş prokuroru Rayan Pinderin verdiyi yazılı açıqlamada yer alıb.
Məlumata görə, FTX-in keçmiş baş direktoru Bankman-Friedin Baham adaları polisi tərəfindən həbs edildiyi qeyd edilib.
Açıqlamada Bankman-Friedin həbsinin ABŞ-ın cinayət şikayəti və mümkün ekstradisiya tələbi ilə bağlı rəsmi bildirişindən sonra reallaşdığı bildirilib.
Baham adalarının baş naziri Filip Davis qeyd edib: “Baham adaları və Birləşmiş Ştatlar FTX ilə əlaqəsi olan, insanları aldatmış və qanunu pozmuş hər hansı bir şəxsi məsuliyyətə cəlb etməkdə ümumi maraqlara malikdir”.
Qeyd edək ki, FTX noyabr ayında müflis olduğunu elan edib və şirkətin baş direktoru Sam Bankman-Frid istefa verib.
