G7 Rusiyaya qarşı sanksiyaların davam etdirilməsinə qərar verdi

“Yeddilik Qrupu”nun (G7) xarici işlər nazirləri Rusiyaya qarşı sanksiyaları davam etdirmək, Ukraynanı dəstəkləmək və məhdudiyyətlərə əməl olunmasına nəzarəti gücləndirmək məqsədilə əməkdaşlıq etmək barədə razılığa gəliblər.

Busaat.az xəbər verir ki, bu barədə TASS məlumat yayıb.

“Böyük Yeddiliyin xarici işlər nazirləri təsdiqləyiblər ki, onlar Rusiyaya qarşı sanksiyaları gücləndirmək, tam əlaqələndirmək və tətbiq etmək, həmçinin Ukraynaya güclü dəstəyi davam etdirmək öhdəliyinə sadiqdirlər”, – nazirlər bildiriblər.

“Bundan başqa, onlar sanksiyalardan yayınma, habelə üçüncü tərəfin Rusiyaya silah tədarükünün qarşısının alınması və cavab tədbirləri üçün koordinasiyanın gücləndirilməsi ilə bağlı razılığa gəliblər”, – bəyanatda deyilir.

Görüşə ev sahibliyi edən Yaponiyanın xarici işlər naziri Yoşimasa Hayaşi Rusiyaya qarşı sanksiyaların davam etdirilməsinin, Ukraynanın dəstəklənməsinin və ölkələrlə, o cümlədən “Qlobal Cənub” ilə əməkdaşlığın gücləndirilməsinin vacibliyini qeyd edib.

Busaat.az