ABŞ prezidenti Co Bayden Ağ Evdə kabinet üzvləri ilə görüşüb. Jurnalistlərin Ukrayna ilə bağlı suallarını cavablandıran Bayden, “Biz getmirik. Ukraynaya kömək edəcəyik”, – deyib.
Busaat.az xəbər verir ki, borc limitini artırmaqla ABŞ-nin defoltunun qarşısını alan razılaşmanın əhəmiyyətini vurğulayan ABŞ prezidenti Bayden demokratlarla respublikaçıların konsensusa gəldiyini bildirib və “Amerika demokratiyasının işləyə biləcəyini” bir daha xatırladıb.
Kabinet üzvləri ilə ABŞ xalqına xidmət etməyə davam edəcəklərini qeyd edən Bayden, infrastruktur və məşğulluğa sərmayə qoyuluşu, sərhəd təhlükəsizliyi və iqlim dəyişikliyi ilə mübarizə kimi mövzulara diqqət ayırdıqlarını bildirib.
Baydenə Ukraynadakı Kahovka bəndinin dağılması ilə bağlı Rusiyaya mesajı da soruşulub.
Bayden jurnalistlərin suallarına, “Biz getmirik. Biz Ukraynaya kömək edəcəyik”, – cavabını verib.
Busaat.az
