Gürcüstan parlamenti xarici agentlər haqqında qanun layihəsini rədd edib
Gürcüstan parlamentariləri ikinci oxunuşda xarici agentlər haqqında qanun layihəsinin əleyhinə səs veriblər.
Busaat.az xəbər verir ki, bu barədə parlamentin saytında canlı yayımlanan səsvermədən sonra məlumat verilib.
Parlament binası qarşısında nümayiş keçirən etirazçılar deputatların kütləvi etirazlara səbəb olan mübahisəli qanun layihəsinin əleyhinə səs verməsi xəbərini alqışlarla qarşılayıblar.
Bundan əvvəl hakim Gürcü Arzusu Partiyasının parlament fraksiyasının lideri Mamuka Mdinaradze bildirmişdi ki, qanunvericilik sessiyasında deputatların əksəriyyəti xarici agentlər haqqında qanun layihəsinin əleyhinə səs verəcək.
Busaat.az
