ABŞ Dövlət Departamenti Rusiyanın Gürcüstana təcavüzünün 15-ci ildönümü ilə bağlı bəyanat yayıb.
Busaat.az xəbər verir ki, ABŞ 2008-ci il atəşkəs razılaşmasından irəli gələn öhdəlikləri yerinə yetirməsi üçün Rusiyaya təzyiq göstərəcəyini bildirir.
“15 il əvvəl Rusiya suveren Gürcüstan dövlətinə soxulub və onun ərazisinin 20 faizini işğal edib”, – bəyanatda deyilir.
“ABŞ Gürcüstanın beynəlxalq səviyyədə tanınmış sərhədləri daxilində suverenliyini və ərazi bütövlüyünü ardıcıl olaraq dəstəkləyib. Rusiyanın hərəkətləri bu münaqişədən əziyyət çəkən insanların həyatını həmişəlik dəyişdi. Ukraynada olduğu kimi, Gürcüstan xalqı da Rusiyanın beynəlxalq hüquqa məhəl qoymamasının və qonşularında hökmranlıq etmək istəyinin nəticələrindən əziyyət çəkir”, – bəyanatda qeyd edilir.
Busaat.az
