Cənubi Koreyanın paytaxtı Seulda keçirilən Halloween bayramı zamanı yaşanan izdihamda 151 nəfər ölüb.
Busaat.az xəbər verir ki, bu barədə məlumatı Cənubi Koreya prezidenti Yoon Suk-yeol verib və bazar gününü milli matəm elan edib.
Rəsmilər ölənlərdən 2-nin və yaralananlardan 15-nin xarici ölkə vətəndaşı olduğunu bildirsələr də, milliyyətləri barədə məlumat verməyiblər.
Cənubi Koreya Milli Yanğınsöndürmə Xidmətinin rəsmisi Çoy Çeon-sik, izdihama səbəb olaraq insanların kütləvi şəkildə dar küçəyə toplandığını göstərib.
İzdihamda 150 nəfərin yaralandığını bildirən Çoy, hadisə yerinə 800-dən çox təcili yardım işçisi və 140-a yaxın təcili yardım maşını göndərildiyini deyib.
Səlahiyyətlilər həyatını itirənlərin əksəriyyətinin 20 yaşlarında olan gənclər olduğunu bildirib.
Digər tərəfdən, yerli mətbuatda yer alan bəzi məlumatlara görə, hələlik kimliyi bəlli olmayan bir məşhurun İtaevondakı əyləncə məkanına gəlib. Onu görənlər məşhurun olduğu tərəfə kütləvi axın edib və nəticədə izdiham yaradıb.
Məlumatda İtaevon küçələrində keçirilən Halloween şənliklərinə 100 minə yaxın insanın qatıldığı iddia edilib.
