Havada təhlükəli gərginlik: Çin təyyarəsi ABŞ təyyarəsinin önünü kəsdi

ABŞ-nin Hind-Sakit Okean Komandanlığı (INDO-PACOM) Çinin J-16 qırıcısının Cənubi Çin dənizində ABŞ-nin RC-135 kəşfiyyat təyyarəsinə qarşı aqressiv manevr etdiyini bildirib.

Busaat.az xəbər verir ki, ABŞ-nin Hind-Sakit Okean Qüvvələri Komandanlığından (INDO-PACOM) verilən yazılı açıqlamada bildirilib:

“26 may 2023-cü ildə Çin Xalq Respublikasının J-16 qırıcı pilotu ABŞ Hərbi Hava Qüvvələrinə məxsus RC-135 təyyarəsinə qarşı kəşfiyyat apardı. Çinli pilot RC-135-in burnunun düz qarşısından uçaraq ABŞ təyyarəsinin quyruq turbulentliyində qalmasına səbəb olub”.

Açıqlamada ABŞ-nin RC-135 təyyarəsinin beynəlxalq hüquqa uyğun olaraq Cənubi Çin dənizi üzərindəki beynəlxalq hava məkanında təhlükəsiz və rutin əməliyyatlar həyata keçirdiyi bildirilib.

Birləşmiş Ştatlar beynəlxalq hüququn icazə verdiyi hər yerdə təhlükəsiz və məsuliyyətli şəkildə uçmağa, üzməyə və fəaliyyət göstərməyə davam edəcək: “Biz Hind-Sakit Okean bölgəsindəki bütün ölkələrin beynəlxalq hava məkanından təhlükəsiz və beynəlxalq hüquqa uyğun istifadə etmələrini gözləyirik”.

Busaat.az