"Tərəfdaşlarımızı öhdəliklərini yerinə yetirməyə məcbur edəcəyik” - Rusiya XİN

Taxıl müqaviləsinin müddəti 60 gün uzadılıb.

Busaat.az xəbər verir ki, bu sözləri Rusiya xarici işlər nazirinin müavini Aleksandr Qruşko TASS-a bildirib.

“Sövdələşmənin 60 gün müddətinə uzadılması razılaşdırıldı. Bu, paket saziş kimi təsdiqləndi”, – Qruşko deyib.

“Moskva Rusiyaya xüsusilə ikinci yolun həyata keçirilməsi, yəni kənd təsərrüfatı məhsullarının beynəlxalq bazarlara tədarükü ilə bağlı birbaşa bütün sanksiyaların aradan qaldırılması ilə bağlı öhdəliyin yerinə yetirildiyinə əmin olmaqda israr edəcək”, –  deyə o bildirib.

Qruşko qeyd edib ki, taxıl müqaviləsi əvvəlki şərtlərlə uzadılacaq.

“Bir daha qeyd edirəm ki, bizim üçün ən vacibi, verilən vədləri və öhdəlikləri tam şəkildə yerinə yetirməkdir. Biz tərəfdaşlarımızı öhdəliklərini yerinə yetirməyə məcbur edəcəyik”, – diplomat vurğulayıb.

“Bir daha bildirmək istəyirəm ki, proses çox ləng davam edir. Kasıb ölkələrə pulsuz çatdırmağa hazır olduğumuz gübrələrimiz hələ də bir sıra ölkələrin limanlarında qalır”, – deyə Qruşko yekunlaşdırıb.

Busaat.az