Hazırda Ukraynaya Patriotlar vermək planımız yoxdur - Pentaqon

ABŞ hazırda Ukraynaya Patriot hava hücumundan müdafiə sistemi vermək niyyətində deyil.

Busaat.az xəbər verir ki, bunu ABŞ Müdafiə Nazirliyinin (Pentaqon) sözçüsü briqada generalı Patrik Rayder bildirib.

Ukraynaya Patriot hava hücumundan müdafiə sistemlərinin tədarükü ilə bağlı xəbərlərlə bağlı sualı cavablandıran Rayder deyib: “Daha əvvəl də danışdığımız kimi, Ukrayna ilə mütəmadi olaraq əlaqə saxlayırıq. Tərəfdaşlarımızla davamlı şəkildə müdafiə ehtiyacları ilə bağlı məsləhətləşirik. Hava hücumundan müdafiəni dəstəkləyən təşkilatlar var. Beynəlxalq tərəfdaşlarımız üçün bu, prioritet olaraq qalır. ABŞ-ın Ukraynaya hər hansı Patriot sistemləri tədarük edib-etməyəcəyinə gəlincə, hazırda Ukraynaya Patriot vermək planımız yoxdur. Lakin biz bu istiqamətdə danışıqları davam etdiririk”.

“Yalnız onu deyə bilərəm ki, “Patriot” da daxil olmaqla, bütün imkanlar masanın üstündədir” – deyə, ABŞ rəsmisi əlavə edib.