Hazırkı Rusiya-Çin əlaqələri hərbi-siyasi pakt çərçivəsindən kənara çıxır – Çin XİN

Moskva və Pekin arasındakı mövcud əlaqələr köhnəlmiş “Soyuq Müharibə” tərzi hərbi-siyasi alyans modelini üstələyir.

Busaat.az xəbər verir ki, bunu Çin Xarici İşlər Nazirliyinin sözçüsü Vanq Venbin bildirib.

“”İki ölkə arasındakı münasibətlər soyuq müharibə dövründən qalan hərbi-siyasi ittifaq modelini üstələyib” deyən çinli diplomat əlavə edib ki, bu ikitərəfli münasibətlər Şimali Atlantika Alyansından əsaslı şəkildə fərqlənir”, – diplomat deyib.

NATO-nun 31 müttəfiqi çərşənbə axşamı Vilnüsdə Litvanın paytaxtında illik sammitinin ilk gününü başa vurarkən kommünike qəbul ediblər. Sənədə əsasən, Çinin “ambisiyaları və məcburedici siyasəti” alyansın maraqlarına, təhlükəsizliyinə və dəyərlərinə meydan oxuyur. Kommünikedə həmçinin bildirilir ki, Avropa İttifaqı və NATO Çinin Avro-Atlantik təhlükəsizliyə yaratdığı sistemli çağırışları həll etməyə davam edəcək.

Busaat.az