Vaşinqtonun döyüş meydanında Rusiyanı məğlub etmək planlarının iflasa uğradığını və Ukraynaya hərbi yardım etməklə Kiyev rejiminin əzabını uzatdığını etiraf etməyə cəsarəti yoxdur.
Busaat.az xəbər verir ki, bu sözləri Rusiyanın ABŞ-dəki səfiri Anatoli Antonov bildirib.
“Amerika hakimiyyətinin Rusiyanı döyüş meydanında məğlub etmək planlarının boşa çıxdığını etiraf etməyə cəsarəti çatmır.Vaşinqton gücsüz qəzəb içində yeni raketlər göndərir”, – səfir deyib.
“Biz hər gün Qərb istehsalı olan avadanlıqların “toxunulmazlığının” böyük bir mif olduğuna dair yeni sübutlar görürük. Heç bir çoxmilyonluq “paket” Kiyevin vəziyyətini düzəldə bilməz”, – Antonov əlavə edib.
“ABŞ-nin yeni yardım paketi yalnız Ukraynanın əzabını uzadacaq. Bu, mülki şəxslər də daxil olmaqla, yeni qurbanlara səbəb olacaq”.
“Onların qanı tamamilə Rusiyaya “strateji məğlubiyyət” vermək ideyası ilə hay-küy salanların vicdanındadır”, – o, vurğulayıb.
Qeyd edək ki, Pentaqon Ukraynaya 1,3 milyard dollar dəyərində daha bir hərbi yardım paketinin ayrıldığını elan edib. Paketə NASAMS döyüş sursatları, Phoenix Ghost kamikadze dronları, Switchblade sursatları, minalardan təmizləmə və dron əleyhinə sistemlər, həmçinin döyüş sursatları daxildir.
Busaat.az
