Hələbdə 2000-ə yaxın bina zəlzələdən sonra uçmaq təhlükəsi üz-üzədir - Əl Ərəbiyyə

Suriyanın Hələb şəhərində 2000-ə yaxın bina baş verən zəlzələdən sonra uçmaq təhlükəsi ilə üzləşib.

Busaat.az xəbər verir  ki, Hələbdə ilkin məlumatlara görə, 300-ə yaxın insan ölüb, daha 600 nəfər yaralanıb.

Əl-Ərəbiyyə telekanalı daha əvvəl Cindires şəhərində ən azı 84 binanın uçduğunu bildirib.

Qeyd edək ki, bazar ertəsi Türkiyənin cənub-şərqində 7,7 bal gücündə zəlzələ baş verib. Bir müddət sonra daha bir güclü təkan yaşanıb. Son məlumatlara görə, Türkiyədə 3300-dən çox insan həlak olub, 20.000-dən çox insan xəsarət alıb.

Suriyada ən çox ölkənin qərbində və şimal-qərbində yerləşən Hələb, Latakiya, Tartus və Həma əyalətləri zərər görüb. Suriya Səhiyyə Nazirliyinin məlumatına görə, zəlzələ 812 nəfərin həyatına son qoyub, 1400-dən çox insan isə yaralanıb.

Busaat.az