Dünyanın aparıcı məişət və sənaye kimyası istehsalçılarından biri olan Almaniyanın Henkel AG konserni Rusiyadakı aktivlərini satıb.
Busaat.az xəbər verir ki, bu barədə RİA Novosti konsernin mətbuat xidmətinə istinadən məlumat yayıb.
“Sövdələşmə 54 milyard rubl təşkil edib, əməliyyat artıq başa çatıb”, – konsernin saytında bildirilir.
Bundan əvvəl “Henkel” Rusiyadakı biznesini satmaq üçün yerli investorların konsorsiumu ilə müqavilə bağladığını açıqlamışdı.
Henkel nümayəndəsi bildirib ki, sövdələşməyə baxmayaraq, konsern Rusiyadakı biznes satışından zərər görəcək.
Hazırda Henkel-in Rusiya aktivlərinə sahib olan konsorsiuma Augment Investments, Kismet Capital Group və Elbrus Services daxildir.
Qeyd edək ki, Henkel şirkətlər qrupu məişət kimyası, kosmetika və tikinti məhsulları istehsal edən Avropanın ən böyük kimya konsernilərindən biridir. Şirkətin brendləri arasında Moment kley, Pemolux təmizləyici məhsullar, Persil, Pemos, Losk, Laska, Vernel, kosmetika və gigiyena məhsulları Fa, Taft, Shamtu, Schwarzkopf, Syoss, bitirmə məhsulları Ceresit, Metylan və s. yer alır.
Busaat.az
