Hindistan Yaponiya və Almaniyanı geridə qoyaraq dünyanın üçüncü ən böyük iqtisadiyyatına çevrilməyə hazırlaşır.
Busaat.az xəbər verir ki, bu barədə məlumat S&P Global və Morgan Stanley-in proqnozunda yer alıb.
S&P-nin proqnozu Hindistanın illik nominal ümumi daxili məhsul (ÜDM) artımının 2030-cu ilə qədər orta hesabla 6,3% olacağını qeyd edib. Eynilə, Morgan Stanley Hindistanın ÜDM-nin 2031-ci ilə qədər indiki səviyyələrdən iki dəfədən çox artacağını təxmin edib.
Ridham Desai və Girish Acchipalia-nın başçılıq etdiyi Morgan Stanley analitikləri hesabatda bildirib: “Hindistanda ofşorinq, istehsala investisiya, enerji keçidi və ölkənin qabaqcıl rəqəmsal infrastrukturu iqtisadi yüksəliş üçün şərait yetişdirib. Bu faktorlar Hindistanı onilliyin sonuna qədər dünyanın üçüncü ən böyük iqtisadiyyatı və birja bazarına çevirəcək”.
Hindistan iyul-sentyabr rübündə illik 6.3% artım göstərib ki, bu da Reuters-in 6.2%-lik proqnozundan bir qədər yüksəkdir. Bundan əvvəl, Hindistan iqtisadiyyatı aprel-iyun ayları üçün bir il əvvəllə müqayisədə 13.5% böyüyüb.
Busaat.az
