
Hindistan Hərbi Hava Qüvvələrinə məxsus təyyarə qəzaya uğrayıb
Hindistan Hərbi Hava Qüvvələrinə məxsus təlimçi təyyarə qəzaya uğrayıb.
Busaat.az xəbər verir ki, bu barədə Hindistan Hərbi Hava Qüvvələrinin Tvitter səhifəsində məlumat verilib.
“Hindistan Hərbi Hava Qüvvələrinə məxsus “Kiran” təlim təyyarəsi bu gün Karnataka ştatında qəzaya uğrayıb. Hər iki ekipaj üzvü təhlükəsiz şəkildə sağ çıxarılıb”, – məlumatda deyilir.
Məlumatda qeyd edilir ki, qəzanın səbəblərini müəyyən etmək üçün araşdırma aparılır.
Qeyd edək ki, “Kiran” Hindistan istehsalı olan reaktiv təlim təyyarəsidir. 1968-ci ildən ölkənin Hərbi Hava Qüvvələrinə verilib.
Busaat.az























