Hindistanın Qucarat əyalətində ötən gün piyadalar üçün nəzərdə tutulmuş asma körpü uçub.
Busaat.az xəbər verir ki, indiyədək çaya düşənlərdən 177-si xilas edilib, hadisə nəticəsində ölənlərin sayı isə 141-ə çatıb.
Ölənlər arasında uşaqların da olduğu bildirilib.
Hökumət rəsmiləri çökən körpünün 125 nəfərlik daşıma qabiliyyətinə malik olduğunu və çökmənin körpüdə eyni vaxtda çoxlu insanın olması səbəbindən baş verdiyini iddia edib. Hindistanın Baş naziri Narendra Modi Twitter hesabından verdiyi açıqlamada hadisədən dərin kədərləndiyini qeyd edərək, “Axtarış və xilasetmə qrupları zərərçəkənlərə kömək edəcək. Qucaratdakı faciə məni narahat edir. Düşüncələrim və dualarım zərərçəkənlərlədir” – deyə, bildirib.
Modi, qəzada həyatını itirənlərin yaxınlarına təxminən 2 min 430 dollar, yaralananlara isə təxminən 600 dollar veriləcəyini açıqlayıb.
Qeyd edək ki, körpü keçən həftə istifadəyə verilib.
Busaat.az
