Hindistanda hava şousu: 5 nəfər ölüb

Hindistanda 1,5 milyon insanın izlədiyi aviaşouda istidən 5 nəfər ölüb.

Bakıvaxtı.az “İHA”ya istinadən xəbər verir ki, Hindistanın Çennai şəhərində Hindistan Hərbi Hava Qüvvələrinin yaradılmasının 92-ci ildönümü çərçivəsində keçirilən hava şousuna minlərlə insan axın edib.

Təşkilatlamanın düzgün aparılmaması səbəbindən vağzallarda izdiham yaranıb. Həmçinin tədbirin keçirildiyi ərazidə içməli su kifayət qədər olmayıb.

Havanın temperaturu 35 dərəcəyə çatdığından onlarla insan xəstəxanaya yerləşdirilib, ən azı 5 nəfər istidən dünyasını dəyişib.