Hindistanda bu il ildırım vurması kimi ekstremal hava hadisələri zamanı yaşanan insan itkilərinin sayında böyük artım yaşanıb.
Busaat.az xəbər verir ki, hökumətin verdiyi məlumatlara görə, alimlər bu kimi halların yaşanmasında iqlim dəyişikliyini günahlandırıb.
Yer Elmləri Nazirliyi parlamentə təqdim etdiyi hesabatda bildirib ki, bu il ümumilikdə 27 isti dalğa yaşanıb. Bu isə, əvvəlki rəqəmlərdən 8 dəfə çoxdur. İldırım çaxmaları isə, 111 dəfədən çox artaraq 907 nəfərin ölümünə səbəb olub.
Məlumata görə, tufanlar beş dəfədən çox artaraq 240-a çatıb.
Bu il təbii fəlakətlərdən ölüm hallarının 78%-i ildırım çaxması, daşqınlar və güclü yağışların payına düşüb.
Təxminən 1,4 milyard əhalisi olan ölkə bir əsrdən çox müddətdə ən isti martını yaşayıb və aprel və may aylarında havanın temperaturu qeyri-adi dərəcədə yüksək olub. Buna əsasən iqlim dəyişikliyi səbəb olub.
Hindistanın qərb qonşusu Pakistan bu il ölkənin üçdə birini əhatə edən dağıdıcı daşqınlarla üzləşib, 1500-dən çox insan ölüb və milyonlarla insan zərər çəkib.
Busaat.az
