Hindistanın Pəncab əyalətinin Amritsar şəhərində radikal hindu lideri güllələnib.
Busaat.az xəbər verir ki, bu barədə BBC məlumat yayıb.
Məlumata görə, 58 yaşlı radikal hindu lideri Sudhir Suri Amritsar şəhərində “Qızıl məbəd” adlanan Siqh ziyarətgahında keçirilən etiraz aksiyaları zamanı iki nəfər tərəfindən güllələnib.
Pəncab polisindən Gaurav Yadav hadisədən dərhal sonra bölgədəki bir sahibkarın saxlanıldığını açıqlayıb.
Hindistanda və xaricdə yaşayan siqhlər əvvəllər Surini onların inancları və icmaları haqqında təhqiramiz ifadələr işlətməkdə ittiham ediblər.
Qeyd edək ki, dünyada 23 milyondan çox siqhizm üzvü var və onlardan 20 milyonu Hindistanda yaşayır. Dünyanın ən mühüm Siqhizim mərkəzi Hindistanın qərbində yerləşən Amritsar şəhəridir ki, burada siqhizmin “Qızıl məbəd” adlanan ziyarətgahı var.
