Hindistanda yarım milyon insan daşqınlardan zərər çəkib

Hindistanın şimal-şərqində yağan leysan yağışlardan yarım milyona yaxın insan zərər çəkib.

Busaat.az CNN-ə istinadən  xəbər verir ki, yollar çaya çevrilib, kəndlər su altında qalıb.

Dövlət Təbii Fəlakətlərin İdarə Edilməsi Departamentinin yaydığı məlumata görə, Assamın əyalətinin22 rayonunda yaşayan 495 mindən çox insan daşqından zərər çəkib.

Güclü yağışların Assamda  Beka çayının daşmasına səbəb olmasından sonra 14 minə yaxın insan  təxliyə edilib.

Qeyd edək ki, 31 milyondan çox əhalisi olan Assam əyaləti apreldən sentyabr ayına qədər davam edə bilən musson mövsümü zamanı güclü yağışlara və daşqınlara məruz qalır.

Busaat.az